Omar Khodeir

Edition XXVI

الماليزية - by Omar Khodeir (Photo by Jared Erondu)
المصور: جارِد إيروندو

الطائرة الماليزية

الشاعر عمر خضير

قطعت تذكرة في يوم عادي                       قلت أسافر الصين أشوف حالي
جمبي صيني وهندي واسترالي                  رسّام ومغني ودكتورة وقاضي
مضيفة وطيار                                      وكرسي فاضي
شايف وشوش بتضحك وإبتسامات             أطفال حلوة وألوان عصير في كوبيات
سامع موسيقى جميلة من سنة تمانين         وترحيب من الطائرة ثلاثمائة وسبعين

بس فجأة! الغيوم حل على الجموع             في ثانية! بقى في رهبة وخوف ودموع
ناس بتصرخ وناس بتدعي                      
شنط بتقع وواحدة بتجري
مش مصدق اللي بيجرالي                       سيبت أهلي ومكانش في بالي
معقولة يكون ميعاد الموت جالي؟              معقولة خلاص حيتبدل حالي؟

في لحظة! الفروق راحت بين القاعدين       في لحظة! عرفنا كلنا اننا من طين
في لحظة القلوب ضعفت                         وبقينا خايفين

لا مال ولا جاه نافعنا                             وضعفنا وحزننا هو اللي جامعنا
كلنا عايزين نرجع بالزمان                      وبنعيط ونقول ياريت اللي جرا ما كان

ساعتها بس عرفنا                               ان كل حاجة ملهاش قيمة
وإن المؤمن إلّي فينا                             هو الوحيد اللي كسبان